Belandia eta Lendoñobeitik igaro ostean, Antiguatik iritsi da lekukoa Urduñara, eta protokolozko itzulia egin du alde zaharrean barrena, Saratxora abiatu baino lehen. Guztira, 13 kilometro egin ditu furgonetak Bizkaiko hiri bakarrean barrena, eta bertako elkarte, ikastetxe eta eragile ugarik hartu dute lekukoa, ehunka lagun kaleetan bilduz. Hala ere, eskualdeko hainbat eragilek ere hartu dute kilometroa hiriko mugen barruan.
Horietako bat Aiaraldeko Euskalgintza Kontseilua izan da. 2043. kilometroa hartu du, Lendoñobeitin. 2019an bisitatu zuen Korrikak azkenekoz hiria, baina euskararen normalizazioaren aldeko borrokak ez du etenik izan ordutik hona. Eta, beste toki batzuetako datu ezkorren aurrean, Urduñan behintzat badirudi pozik egoteko arrazoiak daudela.
Euskararen kale erabilera puntu eta erdi igo zen 2011tik 2021era, %4tik %5,5era igaroz. Oso hobekuntza xumea da, bai, baina dimentsio handiagoa hartzen du perspektiba historikotik begiratzen bazaio. Izan ere, 2002an eginiko neurketa ehuneko hori 0koa izan zen. Hau da, ez zen kaletik euskaraz hitz egiten zuen inor topatu.
Hauek izan dira Urduñako lekuko eramaileak:
- 2028. Km – Amurrio Trail / San Antonen Lagunak
- 2039. Km – Oinkariak / Ezina Ekinez Egina
- 2040. Km – Euritako Taldea
- 2041. Km – Tologorriko Mermeladak eta Zuku Ekologikoak
- 2042. Km – LAB Aiaraldea
- 2043. Km – Aiaraldeko Euskalgintza Kontseilua
- 2044. Km – Txarlazo Mendi Taldea / Urduñako Gazte Asanblada
- 2045. Km – Mugalde / Urduñako pilotazale Elkartea
- 2046. Km – Antzinako Andra Mari
- 2047. Km – Urduñako Herri Eskola / Urduñako Laguntza Zentroa
- 2048. Km – Urduñako Udala / Orduña Hiria Museoa
- 2049. Km – Erauntsi Dantza Taldea / Urduñako EH Bildu
- 2050. Km – Amurrioko EH Bildu / Saratxo Herria
Argazkiak: Aimar Gutierrez Bidarte eta AEK