Zinema plato bilakatuko da, beste behin, Urduña. Iaz Dani Rovira eta Susana Abaitua egon ziren, besteak beste, bertan grabatzen, berriki estreinatutako El Bus de la Vida filma dela eta.
Azken hilabeteotan, Julio Medemen azken proiektuak, Ocho pelikulak, hartu ditu Urduñako kaleak. Kasu honetan, eta bihartik aurrera, Los Muertimer filmaren grabaketari ekingo diote hirian, eta horrek hainbat errepide mozketa ekarriko ditu: goizean, Foru plazan arituko dira, eta Frankos, Orruño eta Donibane kaleetan arratsaldean.
Léa Mazé komikilari frantsesaren komikietan oinarritzen da filma eta hilerri batean krimen bat ikertzen duten bi umeren abenturak ditu ardatz. Alex de la Iglesia zuzendariaren eta Carolina Bang aktorearen esku dagoen Pokeepsie Films produkzio-etxeak ekoitziko du filma, Errementari filma edo HBO plataformako 30 Monedas telesaila ekoizteaz arduratu den etxea, alegia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide