Aiaraldeko Hezkuntza Publikoaren aldeko jaia egin zuten atzo Urduñako Foru plazan. Berez, duela astebete egingo zuten ekimena, baina atzeratzea erabaki zuten azkenean, Guardianen itxieraren aurkako mobilizazioarekin ez kointziditzeko.
Hala ere, data aldaketak ez zuen moldaketarik eragin egitarauan. Puzgarria, haurrentzako jolasak eta talo tailerra egon ziren arratsaldean zehar. 18:30ean txokolatea banatu zuten, eta handik ordu erdira hasi zen Eriz Perez musikariaren kontzertua.
Aurrematrikulazio kanpainaren testuinguruan egin zuten atzoko ekimena, hezkuntza publikoaren aldeko hautua aldarrikatzeko. Iaz Laudion egin zuten jaia, eta aurten Urduñara mugitzea ez da kasualitatea izan. Izan ere, hirian ospatuko da Euskal Eskola Publikoaren jaiaren 32. edizioa, ekainaren 1ean.
Argazkiak: Koldo Zabala Atxa
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
