Filmen errodajeek ez du etenik Aiaraldean. Urduñan Ruega por nosotras pelikula ekoizten ari dira uneotan, eta datorren hilabetean Como salvar el mundo lana grabatzeari ekingo diote hirian, eta baita Laudio eta Amurrion ere, abuztuaren 1etik irailaren 5era luzatuta.
Alejo Levisek zuzenduko du lana eta Mundo Cero arduratuko da ekoizpenaz, Greenpeace erakundearekin elkarlanean.
Ibilbide oparoa egin du Levisek zinemagile moduan. Hiru film luze (Todo parecía perfecto, No quiero perderte nunca eta Hate songs) eta hainbat labur zuzendu ditu, eta beste sortzaile batzuen agindura ere egon da. Besteak beste, argazki zuzendari gisa egin zuen lan Ibon Cormenzanak Urduñan grabatutako Cuatro paredes lanean.
Castinga abian
Perfil guztietako pertsonak ari dira bilatzen pelikulan agertzeko, eta castinga antolatu dute horretarako. Zehaztu dutenez, 20-60 urte bitarteko gizon eta emakumeak behar dituzte batez ere, baita beste honako perfilak ere, "edozein etniakoak":
- 7-12 urte bitarteko adingabeak
- 10 urte inguruko neskak
- 60 urtetik gorako emakumeak
- 20-30 urte bitarteko gizonak
- 30-40 urte bitarteko emakumean
Hemen eman daiteke izena hautaketa prozesuan.