Urduñako Udalak %23ko igoera abiatu du zabor bilketaren tasan, indarrean dagoen legedia betetzeko

Aitor Aspuru Saez 2025eko abenduaren 12a

Hondakin solidoen bilketan izango da igoera. / Aiaraldea.eus

2026an etxebizitzen tasa 45,25 eurokoa izango da hiruhileko, aurten, aldiz, 36,79 eurokoa izan da. Hau da, 2,82 euro hilabeteko igoera ekarriko du ordenantza aldaketak.

Urduñako Udalak urratsak egin ditu hiri hondakin solidoen bilketaren zerbitzuaren tasak aldatzeko. Izan ere, tokiko erakundeak behartua ikusi du bere burua Ekonomia zirkular baterako hondakinei eta lurzoru kutsatuei buruzko apirilaren 8ko 7/2022 Legea betetzeko.

Lege horrek ezartzen du udal zerbitzuak ezin dutela galera ekonomikorik sortu eta egun, hondakinen bilketak 82.000 euroko defizita sortzen du.

Gauzak horrela, hiruhileko tasa 36,79 eurotik 45,25 eurora igotzeko prozesua hasi du erakundeak, %23ko handitzea guztira.

Tasak eta hileko igoera, zergadun motaren arabera honako hau izango da, Urduñako Udalak zabaldu duenez:

Kontzeptua	2026ko Tasa(€)	Hileko igoera (€)
Etxebizitzak	45,25	2,82
10 pertsona baino gutxiagoentzako ostatuak	124,43	7,76
10 pertsona baino gehiagoentzako ostatuak	207,01	12,90
Elikagaigintza, ostalaritza eta edari alorreko dendak (tabernak, dastaketa-guneak, kafetegiak eta jatetxeak	124,43	7,76
Denda orokorrak	85,56	5,33
Banketxeak	85,56	5,33
Enpresak eta Industria establezimenduak	124,43	7,76
Ekintzarik gabeko merkatako lokalak eta lokal hutsak (kontagailu dutenak)	31,80	1,98
Jabeen erkidegoak ( atari-garbiketa)	31,80	1,98

Antzeko urratsak egin behar izan dituzte eskualdeko Udal gehiagok zerbitzu berean aurten. Esaterako, Amurrioko Udalak %73,13an garestitu beharko du hurrengo urtean eta Aiarakoak, aldiz, %11,38ean.

Ekonomia Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide