Urduñan proba pilotua egingo dute trenen eta nasen arteko altuera murrizteko eta irisgarritasuna bermatzeko

Aitor Aspuru Saez 2026ko urtarrilaren 20a

Duela ia bi urte egindako protesta baten irudia. / Aiaraldea.eus

Eusko Jaurlaritzak jakinarazi du Euskal Trenbide Sareko proiektu pilotua Urduñan eta Abandon egingo dutela Aldirikoen C-3 linearako.

Eusko Jaurlaritzako Gobernu Kontseiluak jakinarazi du gaur Euskal Trenbide Sareari (sail horren mendeko erakunde publikoari) agindu diola irisgarritasun-arloko konponbideak txertatzea Bizkaiko aldiriko trenen C-3 (Bilbo-Urduña) linean.

Zehazki, ekimen horren bidez nasak partzialki handitzeko proiektu pilotua abiatuko du ETSk, linearen jabea den Adifen baimena baitauka. Esku-hartzearen helburua da nasen eta gaur egun dagoen trenen plataformaren arteko altuera-diferentzia gainditzea. Lehen neurri horiek probatzeko Urduñako eta Abandoko geltokiak hautatu dituzte.

Eusko Jaurlaritzak argitu du iazko urtarrilean jaso zituela Aldiriko zerbitzuaren kudeaketaren eskumenak eta geroztik aritu dela lanean irisgarritasun zailtasunak gainditzeko.

Esaterako, beste tren mota batzuk baliatu ditu erabakitzeko neurri hori nahikoa zen irisgarritasuna bermatzeko.

Gogoratu beharra dago protesta ugari egin dituztela azken urteetan tren zerbitzua herritar ororen esku egon dadin, bereziki, Maria Luisa Goikoetxearen aldarrikapenak jasota.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide