Lehen postua erdietsi du Yeray Perezek Espainia Iparraldeko Nazioarteko Falkoneria Jardunaldietan, hegazti txikien kategorian. Bere aitak, Victor Perezek, hirugarren postua erdietsi du, “Harris” hegaldiaren modalitatean.
Leonen egin zen norgehiagoka iragan asteburuan. “Txapelketa hori erreferentea da falkoneriaren munduan”, azaldu du Victor Perezek, “munduko txoko askotako jendea bertaratzen da: Arabiar Emirerri Batuetakoa, Frantziako, Ingalaterrakoak, Portugaldarrak... ezinbesteko zita da kirol horretan gabiltzan guztientzat, 20.000 pertsona inguru aritu dira jardunaldietan, izugarria izan da. Aurtengo edizioa, gainera, berezia izan da, txapelketa 25 urte bete dituelako”. Perezek positiboki baloratu du bere semeak eginiko jarduna: “orain arte laugarren zein bosgarren postuetan geratu gara, ez dugu podiumera igotzerik izan. Aurten lortu dugu”.
Era berean, Perezek nabarmendu du “hegazti txikien” kategorian lehiatzen diren gehienak helduak direla, Yeray oso gaztea den bitartean.
Mundu osoko jendeak parte hartu du norgehiagokan.
Erlazionatuak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide