Yeray Perezek eta Victor Perezek falkoneriako nazioarteko 2 garaipen ekarri dituzte Aiaraldera

Yeray Perez eta bere aita, Victor, lortutako sariekin. / V. P.

Yeray Perez eta bere aita, Victor Perez, Macedo de Cavaleirosen (Portugal) aritu dira asteburuan Falkoneria Txapelketa Iberiarraren XI. edizioan, eta bi garaipen eskuratu dituzte.

Victor Perez eta bere semea, Yeray, txapeldun izan dira Portugalen. Victor Perezek bere "harris" arranoarekin lortu du hegaldi baxuko kategorian irabaztea.

Yeray Perezek, ordea, Espainia ordezkatu du Portugalen aurkako norgehiagokan. Hori lortzeko 1. postuan sailkatu zen larunbatean. Atzo neurtu ziren estatu espainiarreko lehen 4 sailkatuak portugaldar onenekin, eta nazioarteko txapela Espainiako ordezkariek bereganatu zuten.

3 eguneko proba, eta 3 podium
Ostiralean hasi ziren txapelketak eta larunbatean erabaki zen nortzuk jokatuko zituzten finalak. Yeray eta Victor Perez 3 kategoriako finaletan sartu ziren eta aipatutako sariak ez ezik, podiumera beste bi aldiz igotzea lortu zuten.

Izan ere, falkoneriako proba horretan podiumak 5 lehiakide hartzen ditu eta Yeray 5. postuan geratu zen hegazti txikiarekin. Victor Perez, ordea, 4. sailkatu zen aztorearekin.

Denboraldia agurtuko dute asteburuan
2017-2018 denboraldiak emaitza onak utzi dizkie aiararrei. Berez, Victor Perezek nabarmen hobetu ditu bere emaitzak Portugalen -azken 3 urteetan 3. geratu zen- eta asteburu honetan bukatutzat emango dute lehiaketa, Segovian.

Erlazionatuak

Yeray eta Victor Perezek podiuma zapaldu dute Galiziako Falkoneria Txapelketan

Aiara

Asteburuan izan da txapelketa Ordesen. Larunbatean kanporaketak jokatu zituzten eta igandean finalak. Yeray Perezek 3. postua eskuratu zuen 350 gra...
Yeray Perezek 4. postua eskuratu zuen Espainiako Iparraldeko Falkoneria Jardunaldietan

Aiara Arespalditza

Asteburuan izan ziren Espainiako Iparraldeko Falkoneria Jardunaldiak Leonen, La Virgen del Camino herrian, alegia. Yeray Perez 5 urteko gaztea adin...
Victor Perezek ezin izan zion Espainiako Falkoneria Txapelketari eutsi Osunan

Aiara

Victor Perezek asteburuan parte hartu zuen Espainiako Falkoneria Txapelketan eta ezin izan zuen garaipena eskuratu.
“Animaliarekin duzun lotura da politena falkonerian”

Aiara

VICTOR MANUEL PEREZ RODRIGUEZek (Aiara, 1977) Espainiako Falkoneria Txapelketa irabazi zuen iaz. Diziplina horrekin izan duen esperientzia kontatze...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide