Abuztuaren 4an jokatu zen Junior Cofidis Espainiako Koparen 5. proba Dueroko Erriberan. Goizeko 10:30etik aurrera 128 kilometroko distantzia egin zuten txirrundulariek erdi-mendiko profil batean eta haizeak eta beroak markatu zuten exijentzia. Hodei Muñoz luiaondoarra laugarren geratu zen, eta ondorioz, orain arte zeukan lidergoa mantendu du.
Seigarren izan zen lehenengo etapan, Extremadurako Don Benito udalerrian, otsailaren 24an. Bera bakarrik sartu zen helmugan. Apirilaren 20an, berriz, La Canconjan, Tarragonan jokatu zen bigarren etapan, eta lasterketa gogor baten ostean hirugarren sailkatu zen aiararra.
Hirugarren etapa Montemayorren, Kordoban, lehiatu zen, eta Hodei Muñoz izan zen garaile, sailkapeneko lehen postura helduta. Gasteizen izan zen laugarren etapa, ekainaren 15ean, eta bertan 34. postuan geratu bazen ere, Dueroko Erriberan lidergoari eutsi dio, laugarren geratu ondoren.
191 puntu ditu guztira, eta 26 puntuko aldea du bigarren geratu den Marc Zafrarekiko. Lehiaketa nazionalaren hurrengo eta azken proba bihar izango da, Benagéber-Alto Turiako Udalaren II. Sari Nagusian.
Gogoratu beharra dago Muñoz txapelketa irabazteko zorian egon zela iaz eta hirugarren postuan geratu zela.