Enrique Arberas biologo eta dibulgatzaileak piztu du Aiarako jaietako txupinazoa. Astelehenera arte luzatuko dira festak, eta Arespalditza izango dute erdigune.
Hasi dira 2025eko Aiarako jaiak. Enrique Arberas biologo eta dibulgatzaileak irakurri du pregoia. Naturaren aldeko alegatua egin du hitzartzean, bai eta komunitateko harremanak estutzeko beharra aldarrikatu ere.
Arberasek berak izan du ere txupina jaurtitzeko ardura. Ez du lan makala izan, ekaitzak ia ezinezko egin baitu suziria piztea. Baina azkenean eztanda egin du, eta horrekin batera abiatu dira Aiarako Jaiak. Ohitura den bezala, Aiara Dantza Taldeko kideek eman diote segida egitarauari.
Astelehenera arte luzatuko dira festak. Gaur eta bihar doako autobusak egongo dira Laudio, Amurrio eta Artziniegatik jai-giroaz gozatzeko.
Aiaraldea Komunikabidetik zuzeneko emisioa egin du txupinazoan:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
