Kalean dago Aiaraldea Hemen hamabostekariaren urteko lehen alea

Erredakzioa 2018ko urtarrilaren 17a
Deskargatu Info Ahotsak :

Gaur eguerdian iritsi dira aleak errotatibatik. / Aiaraldea.eus

Gueñes-Itsaso goi-tentsioko lineari buruzko erreportajea eta Luisa Ibarrolari eta Iosu Isasiri eginiko elkarrizketa dakartza agerkariak, besteak beste.

Gaur argitaratu da Aiaraldea Hemen hamabostekariaren 2018ko lehen zenbakia. Hainbat gaiei buruzko informazioa topatu daiteke agerkariaren 24 orrietan. Arrankudiaga-Zollotik eta Okondotik igaroko den goi-tentsioko lineari buruzkoa da erreportaje nagusia.

Kirol atalean, aldiz, Luisa Ibarrola eta Iosu Isasiri eginiko elkarrizketa irakurtzeko parada izango du irakurleak. Espainiako Txapelketan bizitakoak kontatu dituzte bi txirrindulariek. Kultura atalak, aldiz, 2017. urteak emandakoak izango ditu hizpide.

Eskualdeko saltoki, taberna, topagune eta kaleetan eskuratu ahalko da euskara hutsezko hamabostekaria, doan.

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide