Aiaraldetik igaroko da erabakitzeko eskubidearen aldeko giza katea

Txabi Alvarado Bañares 2018ko urt. 28a, 08:00

2014an egin zen azken giza katea eta mila aiaraldear baino gehiagok hartu zuten parte bertan. / Aiaraldea.eus

Donostia, Bilbo eta Gasteiz lotuko ditu Gure Esku Dagok antolatutako ekimenak ekainaren 10ean, 201 kilometroko ibilbidea eginez.

“Inoizko mobilizazio handiena” izateko aspirazioa duen ekimena prestatzen ari da Gure Esku Dago datorren ekainaren 10erako. Erabakitzeko eskubidearen aldeko giza katea egin nahi dute egun horretan, Donostia, Bilbo eta Gasteiz lotuaz: 201 kilometro, guztira. 100.000 lagun beharko dituzte gutxienez ibilbide hori osatzeko.

Aiaraldearrak ez dira urrun joan beharko ekimenean parte hartzeko, eskualdetik igaroko baita giza-katea.

Atzo aurkeztu zuen Gure Esku Dagok egitasmoa. Eragile horretako kideek nabarmendu dute aurtengoa “urte erabakigarria” izango dela: "ezin gara geldirik geratu. Gure garaia da. Herritarrona. Erabakitasun osoz goaz aurrera, herri libre bat izateko, burujabe izan behar dugulako".

Herri kontsulta
Gauzak hala, erabakitzeko eskubidearen urtea izango da 2018a aiaraldearrentzat, Giza kateari maiatzaren 6an egingo den herri kontsulta gehitu behar baitzaio. Eskualdeko bost udalerritan egingo da galdeketa hori: Artziniega, Laudio, Amurrio, Aiara eta Okondon. Aiaraldeko Gure Esku Dagoko kideak data horri begira ari dira lanean; aurki zehaztuko dute zein izango den bozkaketan planteatuko den galdera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide