aiaraldea.eus

Gaurtik asteartera luzatuko dira Aratusteak Aiaraldean

Erabiltzailearen aurpegia Txabi Alvarado Bañares   Jendartea  Aiaraldea

Agenda atalean kontsultatu daitezke datozen egunetarako programatutako jarduerak. 

Gaurtik asteartera luzatuko dira Aratusteak Aiaraldean
Desile ugari egingo dira eskualdean. / Antonio Muñoz | Ikusi handiago | Argazki originala

Kolore anitzez jantziko da asteburu honetan Aiaraldea, aratusteak ospatuko baitira eskualdeko herri gehienetan.

Hala ere, lehen ekintzak gaur -otsailak 20- egingo dira, non eta Artziniegan. Eskolako haurrek kalejira egingo dute goizean, eta ipuin kontaketa egongo da arratsaldean, udal liburutegian.

Ostiralean gainontzeko herrietara zabalduko da giroa, baina jaiak larunbatean egingo du eztanda. Desfileak egingo dituzte egun horretan Luiaondo, Artziniega, Laudio, Amurrio eta Urduñako kaleetan.

Asteartean, aldiz, sua izango da protagonista nagusia, Kakarro Birigarro erreko baitute Amurrion eta Txarkeria, aldiz, Laudion.

Herri arastusteak
Udalen ohiko egitarauei elkarteek prestatutakoa gehitu behar zaie. Sorginlarrenek Herri Aratusteak prestatu ditu ostiral eta larunbaterako, hainbat motatako jarduerekin.

Agenda atalean kontsultatu daitezke deialdi guztiak. 

Argazki lehiaketa
Aiaraldea hedabideak, bere aldetik, inauterietako argazki lehiaketa jarri du abian. Aiaraldea.eus atarian sartuta parte hartu daiteke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa