Aldi baterako enplegu-erregulazioko espedienteak ezarriko dituzte Bañueta kiroldegian, Autobuses Sobronen eta Megatechen

Megatecheko langileak, artxibo irudi batean. / Aiaraldea.eus

Oraindik ez dakite zenbateko iraunaldia izango duten espedienteek ezta zehazki zenbat pertsonari eragingo dieten ere.

Aldi baterako enplegu-erregulazioko espedienteak ezarriko dituzte Bañueta kiroldegian, Autobuses Sobronen eta Megatechen, ELAk Aiaraldea hedabideari jakinarazi dionez. Sindikatuak azaldu duenez, "ezinbesteko etenaldia" dela eta aurkeztu dituzte enpresek espedienteak.

Oraindik ez dakite enplegu murrizketek zenbateko iraunaldia izango duten ezta zehazki zenbat pertsonari eragingo dieten ere. "Bañueta kiroldegian, adibidez, langile bakarra geratuko da lanean, mantenukoa", jakinarazi dute ELAko kideek.

Koronabirusa eragin nabarmena izaten ari da eskualdeko fabriketako langileen egunerokoan. Tubacex eta Tubos Reunidoseko langileek, adibidez, ekoizpena etengo dutela jakinarazi dute, segurtasun neurriak bermatzen ez badira.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide