Laudioko eta Amurrioko Tubacex taldeko enpresetan lanera itzuli beharko dira beharginak bihar. Horrela jakinarazi dute bertako sindikatuek. Izan ere, Lan Ikuskaritzak erabaki du ez dagoela arrisku berezirik faktorietan jarduera eteteko.
Hori bai, langile batzordeak gogoratu du Lan Ikuskaritza ez dela hurbildu fabriketara eta euren salaketak ez dituela aintzat hartu. Langile erakundeek ziurtatu dute egin dutela euren eskuetan zegoen guztia osasuna bermatzeko. Ertzaintzari ere deitu zioten, baina lanpetuta zegoela argudiaturik, ez zen lantegietan bertaratu. Lan Ordezkaritzak ere ez die erantzun.
Gauzak horrela, sindikatuak segurtasun eta prebentzio protokoloa negoziatzen ari dira Tubacexeko zuzendaritzarekin. Edonola ere, sindikatuek argi utzi dute euren apustua zela birusaren zabalpena ekiditeko gobernuen irizpideak jarraitzea, hau da, etxean geratzea eta lantegiak gelditzea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
