Azken unean atzera egin du Tubacexek eta langileak ez dira fabriketara joan beharko

Tubacex enpresako Laudioko bulegoak. / Aiaraldea.eus

Atzo arratsaldean lanera joateko agindu zien zuzendaritzak langileei. Gaur goizean lanera joan behar zutenek, ordea, etxean geratzeko agindua jaso dute, siderurgia ez baitu ezinbesteko jardueratzat jo Espainiako Gobernuko dekretuak.

Gauerdian, zehazki 00:30ak aldera, mezua bidali die Tubacex taldeko zuzendaritzak langileei, jakinarazteko ez zutela fabriketara joan behar.

Izan ere, Espainiako Gobernuak BOEn argitaratutako dekretuak ez du jaso jarduera siderurgikoa ezinbestekotzat, nahiz eta zabaldutako zirriborroak hala egiten zuen.

Ondorioz, behargin gehienak euren etxeetan geratuko dira eta bakarrik joan beharko dira euren lanpostuetara ekoizpena modu antolatuan eta seguruan gelditzeko beharrezkoak direnak eta zenbait bezeroentzat bukatu behar diren eskaera kritikoak bermatu behar dituztenak.

Enpresak berak barkamena eskatu die langileei agindua hain berandu jakinarazteagatik, dekretua argitaratu arte informazioa "nahasgarria" izan delako.

Negoziazioak, atzeratuta
Gaur berriz bildu egin dira Enpresa Batzordea eta zuzendaritza aurreko ostiraleko negoziazioei berriz heltzeko, baina ez dute adostasunik lortu. Enpresak 6 hilabeteko enplegua erregulatzeko aldi baterako espedientea jarri du berriz mahai gainean, baina sindikatuek ez dute proposamena onartu. Gauzak hala, enpresa bere ohiko jardunera itzultzen denean jarraituko dute negoziazioekin.

Erlazionatuak

[ANALISIA] Tubacex eta Tubos Reunidosek jarduera eten beharko dutela dio Errege Dekretuak, baina ate batzuk zabalik utzi ditu

Aiaraldea

Hori da atzo zabaldu zen zirriborroaren eta azkenean argitaratu den behin betiko Errege Dekretuaren arteko ezberdintasun nagusienetako bat. Lehenak...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide