AZKEN DATUAK

12 COVID-19 kasu positibo antzeman dituzte Aiaraldean asteburuan

Izar Mendiguren Cosgaya 2020ko abuztuaren 10a
Deskargatu Info Ahotsak :

Urduñan egindako proba saio baten irudia. / Urduñako Udala

Ostiraletik igandera 12 kasu berri atera dira eskualdean: Laudion 6, Aiaran 4 eta Urduñan 2. Pandemia hasi zenetik 483 lagun gaixotu ditu COVID-19ak Aiaraldean.

Osakidetzak plazaratutako txostenaren arabera, eskualdeko 3 herritan agertu dira COVID-19 birusak kutsatutako bizilagunak. Orotara 12 positibo berri identifikatu dituzte ostiraletik igandera bitartean: Laudion 6, Aiaran 4 eta Urduñan 2. Ostiralean egin zizkieten frogak horietako bost kideri, larunbatean 2 kasu berri gehitu zitzaizkion zerrendari, eta igandean 5. Horrez gain, azpimarratu beharra dago Laudioko Lanbide bulegoa itxi dutela, beharginetako bat gaixotu baita koronabirusa dela kausa.

Asteburuan 16.907 froga egin dituzte orotara Araban, Bizkaian eta Gipuzkoan, eta 1.085 koronabirus kasu azaldu dira: 390 ostiralean, 342 larunbatean eta 353 igandean.

Eskualdeko positiboen bilakaera

Kasuak areagotzen ari dira eskualdean. Ostegunean 7 eri azaldu ziren bailaran.

Pandemia heldu zenetik, ondorengoak dira herrika jasotako COVID-19 kasuak:

  • Laudio: 189
  • Amurrio: 131
  • Aiara: 69
  • Urduña: 45
  • Okondo: 7
  • Orozko: 25
  • Artziniega: 17
  • Arakaldo: 0
  • Arrankudiaga-Zollo: 0
  • Aiaraldea: 483

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide