Eskualdean ere ikasle zein langile ugari batu dira lanuztera. Hala ere, ez da aparteko deialdirik egin eskualdean, mobilizazio guztiak hiriburuetan izango baitira. Ikasle eragileek izan dute protagonismoa goizaren lehen txanpan Laudion. Ikama ikasle antolakundeak goizeko zortzietan jarri du zita, “herria aldarriz janzteko”.
Ikasle Abertzaleakek, aldiz, 8:30ean egin du deialdia Lamuza plazan. Hainbat gazte bildu dira bertan, eta institutura jo dute zuzenean, grebaren aldeko aldarria zabaltzeko.
Aldarrikapenak
“Hezkuntza itzulera segurua eta adostua” eskatzen dute grebaren deitzaileek. Giza baliabide gehiago exijitzea da deialdiaren xedea, geletako ikasle-ratioa jaitsi ahal izateko; eta, modu horretan, COVID-19aren zabalpena ekiditeko prebentzio eta segurtasun neurriak bete ahal izateko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
