Hiru ekintza antolatu ditu Aiaraldeko Mugimendu Feministak Azaroak 25 dela eta

Izar Mendiguren Cosgaya 2020ko azaroaren 23a
Deskargatu Info Ahotsak :

Konfinamendu garaian egondako eraso matxistak salatzeko egindako elkarretaratzeetako bat. / Aiaraldea.eus

Asteazkenean mobilizazio propioak deitu ditu Mugimendu Feministak Aretan, Amurrion eta Laudion.

Azaroaren 25ean -asteazkenean- izango da Emakumeen Aurkako Indarkeriaren Kontrako Nazioarteko Eguna. Hori dela eta, ekimen ugari egin dira azken egunetan eskualde osoan zehar. Aiaraldeko Mugimendu Feministak ere zenbait jarduera prestatu ditu, sare sozialetan zabaldu dutenez.

Laudion, mobilizazio zaratatsua egingo dute 19:00etan Lamuza plazatik abiatuta. Etxeko tresnak kalera ateratzeko deia luzatu dute zentzu horretan, eta Amagoia Elezkano omenduko dute besteak beste. 

Aretan, berriz, 18:30ean elkartuko dira Altamira plazan, elkarretaratze formatua baliatuta. 

Amurrion, ordea, 19:30ean gauzatuko dute protesta. Alabaina, Otsemeakek kalera ateratzeko deia zabaldu du Twitter bidez, Euskal Herriko neska* gazteek egindako deialdiari jarraiki.

Jendartea
Erlazionatuak
Azaroaren 25aren atarian, ekimen ugari deitu dituzte
Azaroaren 25aren atarian, ekimen ugari deitu dituzte

Izar Mendiguren Cosgaya 2020 aza 19 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide