Foru Aldundian elkarretaratzea egin du gehiengo sindikalak, Saratxoko lan heriotza salatzeko

Izar Mendiguren Cosgaya 2020ko abenduaren 21a
Deskargatu Info Ahotsak :

Gasteizen egindako elkarretaratzea. / Arabako EH Bildu

Asteazkenean zendu zen Saratxoko saihesbideko obretako langilea, azpiegituretan istripua izan eta gero. Euskal Herrian zendutako 70.behargina dela salatu du gehiengo sindikalak. 

Gehiengo sindikalak deitutako mobilizazioa egon da gaur Gasteizen, Arabako Foru Aldundiko egoitzan. Izan ere, abenduaren 16an -iragan asteazkenean- lan heriotza jazo zen Saratxon, saihesbidea eraikitzeko obretan. Hain zuzen, 31 urteko gaztea hil zen ezbeharraren ondorioz. Hala, Aiaraldean 2020an gertatutako seigarren lan heriotza da, Euskal Herrian 70 pertsona zendu direlarik.

Prekarietatea salatzeko elkarretaratzea burutu du gehiengo sindikalak gaur. Ez da izan hori, ordea, heriotza salatzeko egindako protesta bakarra. Nola Amurrioko Udalak hala zenbait eragilek ekimen ezberdinak egin zituzten. Ostiralean, esaterako, manifestazioa antolatu zuten Amurrion:

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide