Aiaraldeko gatazka sozioekonomiko ugari batu dira gehiengo sindikalaren mobilizazioan

Aitor Aspuru Saez 2021eko abenduaren 1a
Deskargatu Info Ahotsak :

Hego Euskal Herrian gehiengo sindikalak mobilizazioak deitu ditu gaur pentsio eta enplegu duina aldarrikatzeko. Aiaraldean Artiacheko, Madres Mercedariaseko edota Zabaleko Ikastetxeko gatazkek hartu dute protagonismoa.

Gaur gehiengo sindikalak (ELA, LAB,, STEILAS, Etxalde, CNT, CGT eta Hiru sindikatuek) manifestazioak antolatu ditu hiriburuetan goizean eta eskualdeetan arratsaldez, enplegu eta pentsio duinak exijitzeko.

Aiaraldean hitzordua 18:30ean izan da eta euriaren erdian abiatu da. Parte-hartzaileek Espainiako Gobernuak bultzatu nahi duen pentsioen erreformaren kontrako leloak oihukatu dituzte, baina tokikotasunak izan du protagonismo nagusia.

Izan ere, Artiach enpresako langileek, Madres Mercedarias zaintza egoitzako beharginek eta Zabaleko Bizirik plataformak pankarta propioak eraman dituzte euren egoerak salatzeko.

Manifestazioaren amaieran gehiengo sindikalak azpimarratu du jendea kalera atera behar dela enpleguaren, zerbitzu publikoen eta pentsioen alde eta "eskualdeko eraiste neurtuaren kontra".

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide