Orain arte egondako beherazko joera eten egin da Aiaraldean azken hiru egunetan. Hori ondorioztatu daiteke Osakidetzak gaur plazaratutako txosten epidemiologikoko datuei erreparatuz gero. Osasun sistema publikoak koronabirusaren 66 kasu berri erregistratu ditu guztira astelehenetik asteazkenera bitartean.
Hau da positiboen banaketa udalerrika:
- Amurrio: 12 kasu guztira (3 astelehenean, 5 asteartean eta 4 asteazkenean).
- Artziniega: Kasu 1, asteazkenean.
- Aiara: 4 kasu guztira (bana astelehen eta asteartean eta 2 asteazkenean).
- Okondo: 3 kasu guztira (2 astelehenean eta 1 asteartean).
- Laudio: 29 kasu guztira (17 astelehenean, 3 asteartean eta 9 asteazkenean).
- Arrankudiaga-Zollo: 2 kasu, asteazkenean.
- Orozko: 8 kasu guztira (bana astelehen eta asteartean eta 6 asteazkenean).
- Urduña: 7 kasu guztira (1 astelehenean eta hiruna asteartea eta asteazkenean).
Aurreko astean 56 positibo erregistratu zituen Osakidetzak denbora tartean berean. Ostegunetik igandera, aldiz, 48 detektatu zituen.
EAEn, aldiz, 4.105 positibo topatu dira guztira azken astean. 157 pertsona daude ospitaleratuta, 38 ZIUn.
Intzidentzia metatuaren tasak gora
asuen gorakadaren ondorioz, aldatu egin da baita Intzidentzia metatuaren tasen beherazko joera ere. Ratioek gora egin dute lau udalerritan, eta berdin mantendu dira gainontzekoetan.