Osakidetzak azken asteko txosten epidemiologikoa argitaratu du gaur. Aurreko bi asteekin alderatuta, hobera egin du kutsatuen kopuruaren joerak. Izan ere, duela hiru aste 139 izan ziren, duela bi 132 eta pasa den astean 104. Aldaketak bat egiten du Euskal Autonomia Erkidegoan gertatutakoarekin.
Herriz herri, horrela banatu dira kasuak:
- Amurrio: 24 (astelehenean 3, asteartean 6, asteazkenean 4, ostegunean 2, ostiralean 2, larunbatean 1 eta igandean 6).
- Artziniega: 10 (asteartean 1, asteazkenean 1, ostiralean 1, larunbatean 4 eta igandean 2).
- Aiara: 1 (igandean).
- Laudio: 50 (astelehenean 4, asteartean 14, asteazkenean 14, ostegunean 7, ostiralean 5, larunbatean 2 eta igandean 4).
- Orozko: 3 (astelehenean 1, ostegunean 1, larunbatean 1).
- Urduña: 17 (astelehenean 6, asteartean 4, asteazkenean 3, ostegunean 2, ostiralean 1, larunbatean 1).
Intzidentzia metatuaren tasak ere murriztu dira
Salbuespenak salbuespen, eskualdeko udalerrien intzidentzia metatuaren tasek behera egin dute. Okondok eta Arrankudiaga-Zollok, esaterako, ia erdian utzi dituzte duela bi asteko kopuruak eta Amurriok, Aiarak eta Orozkok ere murriztu egin dituzten euren datuak.
Arakaldo zegoen moduan mantendu da. Artziniegak eta Urduñak, ordea, okerrera egin dute.