Tubacexeko zuzendaritzak iragarri du 1.000 milioi euroko fakturaziora heltzeko asmoa duela 2025ean

Jesus Esmoriz eta Alvaro Videgain, artxibo irudi batean. / Eldiario.es

Tubacex enpresako arduradunek agerraldia egin dute gaur akziodunen batzarra hasi baino lehen, eta etorkizun oparoa iragarri dute, egungo salmentak bikoizteko asmoa baitute.

Duela urtebete Tubacexeko zuzendaritzak adierazi zien Laudio eta Amurrioko lantegietako grebalariei protestak arriskuan jartzen zuela fabrika horien etorkizuna. Egun, ordea, enpresaren emaitzek pandemia aurreko etekinak gainditu dituzte eta 2025ean 1.000 milioi euroko fakturazioa lortzea dute helburu.

Horrela azaldu diete gaur konpainiako buruek hainbat hedabideri akziodunen batzarra hasi baino lehen. Agerraldi horretan, Jesus Esmoris kontseilari delegatuak ziurtatu du espero dutela 2019ko emaitzak hobetzea aurten eta azaldu dute 2025ean 1.000 euroko salmentak bete nahi dituztela. Horrek suposatzen du egungo eskaera zorroa bikoiztea.

Enpresako zuzendaritzak baztertu du epe motzean kaleratzeak edo kontratazioak egitea Amurrio eta Laudioko lantegietan.

Finean, iaz enpresaren etorkizuna kolokan zegoela esan ostean, gaur etorkizun oparoa aurreikusi dute.

Laudio eta Amurrioko lantegiak

Antza, eskualdeko fabriken egoera hizpide izan da prentsaurrekoan. Alde batetik, zuzendaritzako kideek baloratu dute greba amaitzeko akordioaren ostean hemengo lantegiak lehiakorragoak direla, soldatak mantentzea adostu baitzuten. Halaber, Aiaraldean jende gehiago kaleratzea edo kontratatzea baztertu dute.

Etorkizuna

Datorren urteetan ekoizpen eredua aldatzeko, konpainiako arduradunek esan dute gasaren eta petrolioaren merkatuen garrantzia murriztu nahi dutela. Alde batetik, gutxiago ekoiztuko dute, baina balio gehigarriarekin. Bestetik, sektore ezberdinetan inbertsioak egiteko beharra iradoki dute: hidrogenoa, botikak edota autoen produkzioa, esaterako.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide