2 eraso matxista salatu ditu Otsemeak taldeak

Txabi Alvarado Bañares 2022ko eka. 23a, 13:47
Iaz abiatu zuen Otsemeak taldeak 'Entzun Gaitzatela' dinamika.

 'Entzun Gaitzatela' dinamikaren bidez jaso ditu talde feministak erasoen lekukotzak.

Bi eraso matxista salatu berri ditu Otsemeakek. Bi kasuen lekukotzak bildu ditu Amurrioko talde feministak, 'Entzun Gaitzatela' dinamikaren bidez.

Sare sozialetan azaldu dutenez, lehen erasoa Amurrion gertatu zen, larunbat gau batean. Horrela dio talde feministak jasotako lekukotzak:

"Kontzertuan nengoela, txisa egitera joan nintzen parkera eta ikusi nuen mutil bat nire atzetik zetorrela, ez nion garrantzi handirik eman eta nabaritu nuen gero eta hurbilago zegoela, eta hasi zen niri gauzak esaten:

-Estoy deseando ver como te bajas los pantalones. Ojalá poder tocarte entera.

Hori dena bere eskua praka barrutik sartzen eta niri esaten:

-Me estás poniendo mucho, me pones muy cachondo..."

Otsemeakek zehaztu duenez, erasoa salatu duen neskak* 20 urte ditu, eta erasotzailea 16-30 urte arteko gizon bat da. 

Bigarren erasoa era Amurrion gertatu zen, baina egunez, arratsaldeko bostak aldera. Hala dio erasoaren lekukotzak: 

"Arratsaldeko bostetan, egun argiz eta Amurrio erdialdean. Oinez nindoala ahots bat entzun dut urrunetik, burua biratu eta jarraian 'oleeee' entzun dut. Harrituta berriro begiratu eta “guaaaapa” bota du gizonak...

...Oraingoan ez naiz beldur izan. Agian egunargiz izan delako, agian gizona bistaz ezagutzen dudalako, agian gaur indartsu harrapatu nauelako, auskalo!
Hatzamarra erakustera ausartu egin naiz...

..Gaurkoak tontakeria bat eman dezake askorentzako, baina eraso minimoa ere salatu behar dugula uste dut, eraso handienak ere txikienekin hasten direlako".

Talde feministak zehaztu duenez, bigarren kasu hau salatu duen emakumeak* 32 urte ditu, eta erasoa 31-65 urte arteko gizon batek egin du. 

Eraso ugari

Iazko udazkenean abiatu zuen Otsemeak taldeak 'Entzun gaitzatela' dinamika, herrian jazotzen diren eraso matxistak salatu eta ikustarazteko. Galdetegi anonimo bat baliatzen dute horretarako. Modu horretan, hainbat kasuren berri jaso du talde feministak azken hilabeteetan, eta mobilizazioak ere antolatu dituzte horiei erantzuna emateko. 

Jendartea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide