AZKEN DATUAK

Beheranzko joeran jarraitzen du COVID-19aren pandemiak Aiaraldean, 29 kasu berrirekin

Erredakzioa 2022ko abuztuaren 8a
Deskargatu Info Ahotsak :

Orozkon 6 kasu topatu dituzte guztira. / Aiaraldea.eus

Kasu gutxiago egon diren arren, intzidentzia metatuaren tasak ez du berdin jokatu udalerri guztietan: behera egin du Artziniega, Aiara, Laudio eta Urduñan; eta gora, aldiz, Amurrio, Okondo eta Orozkon.

29 COVID-19 kasu berri detektatu ditu Osakidetzak Aiaraldean azken astean, gaur arratsaldean plazaratutako txosten epidemiologikoan zehazten denez. 

Hau izan da kasuen banaketa udalerrika:

 

Beheranzko joeran jarraitzen du pandemiak eskualdean. Aurreko astean 36 kasu topatu ziren, eta aurrekoan 50. Hala ere, kontuan hartu behar da opor garaia dela eta herritar asko daudela eskualdetik kanpo. 

Intzidentzia metatuaren tasen bilakaera, aldiz, ez da bera izan udalerri guztietan: behera egin du Artziniega, Aiara, Laudio eta Urduñan; eta gora, aldiz, Amurrio, Okondo eta Orozkon. Arakaldo eta Arrankudiaga-Zollon, aldiz, ez da mugitu, zeroan baitarama hainbat astez jarraian.

 

EAEn 1881 positibo detektatu dira guztira, 286 pertsona daude ospitaleratuta (9 ZIUn) eta 31 hildako egon dira. 

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide