Gaur Renfe enpresa hamabi zerbitzu gutxiago eskaintzen ari da C-3 linean, hau da, Urduña eta Bilbo lotzen dituen ibilbidean. Erabiltzaile batek gaur goizean salatu du egoera sare sozialetan eta Aiaraldea Komunikabidea berarekin jarri da harremanetan. Eskualdeko herritarrak azaldu du garraio publikoko enpresak berak jakinarazi duela aldaketa bere aplikazioaren bidez gaur.
Zehazki, hurrengoak dira bertan behera geratu diren trenak:
- 08:25 Bilbo-Urduña
- 09:21 Urduña-Bilbo
- 11:05 Bilbo-Urduña
- 12:41 Urduña-Bilbo
- 13:47 Bilbo-Urduña
- 14:19 Laudio-Bilbo
- 14:35 Bilbo-Urduña
- 15:31 Urduña-Bilbo
- 16:45 Bilbo-Laudio
- 17:17 Laudio-Bilbo
- 19:25 Bilbo-Urduña
- 20:26 Urduña-Bilbo
Konpainiak arazo operatiboak argudiatu ditu eta Aiaraldea Komunikabidea zehaztasun gehiago eskuratzen saiatzen ari da.
Etengabeko arazoak
Gaur aplikazioa duten herritarrei aurretik komunikatu badie ere, C-3 linean bidaiarien haserrea eta ezinegona aspaldi piztu zen. Izan ere, atzerapenak, matxurak -udan aire girotuak hainbat aldiz egin du kale-, gidarien falta, zerbitzuak kentzea eta arazoak, oro har, ohikoak bilakatu dira.
Horrez gain, Urduña eta Amurrion egindako lanen ondorioz, arazoak sakondu ziren maiatzetik aurrera. Eta aintzat hartu beharra dagoela sindikatuek eurek salatu dutela 2020tik bitartekoak murriztu direla.