Larrazabal eta Eskiroz finalera sailkatu dira, Egiguren V eta Eskuza Zumarragan garaitu ostean

Aimar Gutierrez Bidarte 2024ko mar. 9a, 18:27

Iker Larrazabal eta Iosu Eskiroz atzoko partidako garaipena ospatzen. / Baiko

Iker Larrazabalek eta Arkaitz Eskuzak elkarren aurka jokatu zuten atzo Zumarragan. Larrazabal-Egiguren bikoteak lortu zuen garaipena, eta Binakako Serie B Txapelketako Finalerako sailkatu dira.

Iker Larrazabal eta Arkaitz Eskuza aurrez aurre aritu ziren bart Zumarragako frontoian jokatutako Binakako Serie B Txapelketako finalaurreko ligaxkako partidan. Bi aiaraldearrak Orozkon garaipena lortzetik zetozen, finalerako txartelaren lehia bizian.

Larrazabal eta Eskiroz gailendu ziren Zumarragako norgehiagokan. Baiko enpresako bikoteak 22-11 irabazi zuen eta martxoaren 23an Iruñeko Labrit pilotalekuan jokatuko den finalerako txartela ziurtatu zuen horrela. Gauzak horrela, iazko bikote irabazleak aurten ere izango du txapel berri bat janzteko aukera.

Arkaitz Eskuzak eta Julen Egigurenek, ordea, asteburu honetan izango dute Labriteko finalean lekua egiteko azken aukera. Eskuzak etxean jolastuko du, Aretako frontoian. Agirre-Iztueta bikotea izango dute aurrez aurre, finalera sartzeko lehiakide zuzenak. Izan ere, bi bikoteak berdinduta daude.

Aiaraldea Komunikabideak Aretako frontoian elkartu zituen tokiko bi pilotariak; Larrazabal eta Eskuza. Zumarragako partidaren aurrean bakoitzaren inpresioak eta aurreikuspenak azaldu zituzten:

Kirola

Erlazionatuak

“Espero dugu partida polita ateratzea eta, irabazten duenak irabazten duela, pozik ateratzea”

Aimar Gutierrez Bidarte mar 06 Aiaraldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide