Beste kamioi bat irauli da Zuhatza eta Okondo arteko errepidean

Erredakzioa 2025eko otsailaren 13a
Deskargatu Info Ahotsak :

Azken hilabeteetan mota horretako hainbat ezbehar egon dira bide berean. 

Berriz gertatu da: kamioi bat irauli da gaur, 9:30ak aldera, Zuhatza eta Okondo arteko A-3641 errepidean. Ez da zauriturik egon eta ibilgailuak ez du trafikoa oztopatu, bidetik atera delako. 

Horrelako istripuak ohikoak bilakatu dira errepide zati honetan. Iazko ekainean gidari bat ospitaleratu behar izan zuten ibilgailua errepidetik atera eta gero, abenduaren 3an kamioi bat geratu zen harrapatuta eta abenduaren 23an beste kamioi bat atera zen bidetik. 

Horren aurrean, Aiarako Udalak berriz aldarrikatu du beharrezkoa dela trafiko astuna desbideratzea. Okondoko Udalak, aldiz, uste du errepidea hobetu behar dela ibilgailu guztiak erraz pasa daitezen.

Jendartea Aiara Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide