120 tona elikagai eta eguneroko produktuak (konpresak, azukrea, arroza, lekaleak, pasta, kontserbak...) eramango ditu Sahararen Aldeko Karabanak Tindufeko errefuxiatuen kanpalekuetara aurten.
Durangotik abiatuko da elkartasun ekimena eta lau trailerrek, bi kamioik, anbulantzia batek, furgoneta batek eta 4x4 ibilgailu batek osatuko dute aurten.
Aiaraldeko Saharar Errepublika Arabiar Demokratikoaren Lagunek azpimarratu nahi izan dute eskualdeak 3.380 kiloko material ekarpena egin duela eta dohaitza ekonomikoak ere egon direla.
Azken hilabeteetan elkartasun ekimen gehiago egon dira. Adibidez, Bucraan egon zen Laudio Ikastolako gazte talde bat eta gero elikagai bilketa antolatu zuten.
Bestalde, gogoratu beharra dago karabanak behin baino gehiagotan hasi duela bere ibilbidea Laudion, 2023an azken aldiz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
