AP-68 autopistako ordainsaria "erdira baino gehiago" merketuko dutela ziurtatu du Ahaldun Nagusiak, "legealdi honetan"

Txabi Alvarado Bañares 2025eko uztailaren 13a
Deskargatu Info Ahotsak :

Ramiro Gonzalez Ahaldun Nagusia atzo Amurrion eginiko ekitaldian. / Aiaraldea.eus

2026ko azaroan amaituko da egungo kontzesioa, eta orduan pasako da autobidea Aldundiaren eskuetara.

AP-68 autopistako ordainsaria "erdira baino gehiago" jaitsiko du Arabako Foru Aldundiak legealdia amaitu baino lehen. Hala ziurtatu zuen Ramiro Gonzalez Ahaldun Nagusiak atzo Amurrion Arabako EAJk eginiko ekitaldian. 

Egungo legealdia 2027ko maiatzera arte luzatuko da. Autobidearen egungo kontzesioa, aldiz, 2026ko azaroan amaituko da, eta orduan pasako da autobidea Aldundiaren eskuetara. AVASA enpresak kudeatzen du egun azpiegitura.

2024an Idom S.A. enpresaren zerbitzuak kontratatu zituen Aldundiak, autobidean balizko kanon bat ezartzeko "alternatiba teknologiko egokienak aztertu eta zehazteko", behin esleipena amaituta. Hala ere, orduko hartan ez zuen zehaztu azpiegitura ordaindupekoa izaten jarraituko zuen edo ez. 

AP-68 dohainik plataformak, aldiz, autobidearen erabilera dohakoa izan beharko litzatekeela aldarrikatu du azken urteetan, Laudio-Bilbo tartea Espainiako estatuko errepide sarearen laugarren zatirik garestiena dela nabarmenduta.

Politika
Erlazionatuak
“Dagokigunaren bikoitza ordaintzen dugu Bilbora bidaia”
“Dagokigunaren bikoitza ordaintzen dugu Bilbora bidaia”

Izar Mendiguren Cosgaya 2021 ots 01 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide