Istripua izan dute Alfredo Remirezen senideek, Darocara bidean

Erredakzioa 2018ko ots. 26a, 11:25

Darocara lehenengo bisita egitera zioazela izan dute istripua Alfredo Remirezen senideek. / Erreharria Libre Plataforma

Preso amurrioarra Daroca espetxera dispertsatu ostean lehenengo bisita egiten zihoazela gertatu da ezbeharra. Guztiak onik daudela jakinarazi dute.

Alfredo Remirez preso amurrioarra ostiralean izan zen dispertsatua Zaragozan kokatuta dagoen Daroca espetxera. Gaur, istripua izan dute bera bisitatzera zioazen senideek. Erreharria Libre plataformak jakinarazi duenaren arabera, onik atera dira guztiak.

Alfredo Remirezek berak hurrengo mezua zabaldu du sare sozialetan gertakaria azaltzeko:

[OHARRA] Atzo Darocatik bueltan nire senideek istripua izan zuten. Logroñon orein bat bidean gurutzatu, hau kolpatu eta bidetik irten ziren; ez dute zauririk izan. Etxera taxian bueltatu behar izan ziren. Hau da aplikatu didaten dispertsio politikaren ondorioetako bat. pic.twitter.com/kKZfUIHkBT
— Alfredo Remirez (@ErreHarriaLIBRE) 2018(e)ko otsailak 26

Elkarretaratzea
Elkarretaratzea deitu du Etxeratek gaurko gertatutakoa salatzeko, 19:00etan Amurrioko Juan Urrutia plazan.

Politika Amurrio

Erlazionatuak

[ANALISIA] Eskualdeko gazteen lepoetan estutu dute adierazpen askatasunaren soka

Aitor Aspuru Saez 2018 ots 08 Aiaraldea

1.700 lagunek eman diote babesa Alfredo Remirezi "Azkena izan dadila" manifestazioan

Izar Mendiguren Cosgaya 2017 aza 04 Amurrio

Alfredo Remirez agertzen da ARCOk zentsuratutako preso politikoei buruzko erakusketan

Txabi Alvarado Bañares 2018 ots 22 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide