Asteburuan eraso matxista bat eman zen Amurrion. Hala jakinarazi du Otsemeakek. Talde feministako kideek azaldu dutenez, erasotutako emakumeak salaketa jarri du eta urrutze agindua ezarri diote erasotzaileari.
Otsemeakeko kideek salatu dute ez dela horrelako eraso bat gertatzen den lehen aldia, azken hilabeteetan Orozkon, Amurrion zein Laudion antzeko kasuak egon direlako.
Indarkeria matxistak mugarikez duela ohartarazi dute. “Emakumeok, emakume izate hutsagatik, amaigabeko indarkeria matxista pairatzen dugu egunero, begirada, keinu edo gutxiespen sotilenetik, erailketaraino”.
“Sistema kapitalista patriarkalaren ezinbesteko tresna”
Otsemeaken aburuz, indarkeria mota hori “ezinbesteko tresna” da “sistema kapitalista patriarkalaren funtzionamendurako”. Horregatik, lehen mailako arazo politiko, sozial, ekonomiko eta kulturala izaten jarraitzen duela ziurtatu dute.
Elkarretaratzea bihar
Erasoaren aurrean “autodefentsa feministarako deia” luzatu dute. Elkarretaratzea deitu dute biharko. Juan Urrutia plazan izango da zita, arratsaldeko zazpietan. “Argi daukagu ez garela besoak gurutzatuta geratuko, emakumeok ahaldundu eta indarrak batuko ditugu, sistema hetereopatriarkal honek erreproduzitzen dituen indarkeri sexistak eten arte”.
Azken hilabeteetako salaketak
Amurrioko eraso berri hau Orozko eta Urduñan azken hilabeteetan jazotakoei batzen zaie. Bi kasu horietan Aiaraldeko mugimendu feministak erantzun sendoa ematea lortu zuen, ehunka lagun bildu baitziren egin ziren mobilizazioetan.
Horrez gain, Tartekari Sareak jarri dituzte abian Urduñan eta Orozkon, erasoak pairatzen dituzten emakumeei sostengua helarazteko.
