Bilera irekia egingo dute gaur Amurrioko Emakume Etxearen proiektua azaltzeko

Txabi Alvarado Bañares 2018ko azaroaren 16a

Arespalditzako emakumeen gelako kideek hartuko dute parte bileran, besteak beste. / Aiaraldea.eus

Laudioko emakume etxearen egitasmoko kideak, OihuK gune okupatukoak eta Arespalditzako emakumeen gelakoak egongo dira bertan, euren esperientzien berri emateko.

Bilera irekia egingo du gaur Amurrioko Mugimendu Feministak Kultura Etxean, 18:00etan. Emakume Etxearen proiektuaren “0 asanblada” izango da zita, antolatzaileen esanetan.

Amurrioko Udalaren aurrekontu parte hartzaileetan aurkeztu dute proiektua. Horrelako espazio baten beharra dagoela ikusten dute mugimendu feministako kideek, “herriko emakumeen arteko saretze eta ahalduntzea emateko”.

Udalean aurkeztu dutena “aurreproiektua” baino ez dela nabarmendu dute. “Ez dago garatua. Horretarako da lehenbiziko bilera hau, zer nolako espazioa behar dugun definitzen hasteko”.

Bestelako proiektuak bidelagun
Beste toki batzuetako egitasmoak hurbilduko dituzte bilerara, euren esperientzien berri jasotzeko. Laudioko emakume etxearen ordezkariak, OihuK gune okupatukoak eta Arespalditzako emakumeen gelakoak bertaratuko dira zitara.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide