3 hilabetez enplegua erregulatzeko espedientea abiatzea adostu zuten ostiralean Tubos Reunidos enpresan

Tubos Reunidos enpresako lantegia Amurrion. / Aiaraldea.eus

Sindikatuek eta zuzendaritzak aurreakordioa sinatu zuten ostiralean ekoizpen arrazoiengatik enplegua erregulatzeko espedientea abiatzeko. Laster bilduko dira berriro negoziazioekin jarraitzeko. Momentuz, lantegia itxi beharko dute Errege Dekretuaren ondorioz.

Martxoaren 27an, ostiralean, 6 ordu eta erdiko bilera izan zuten Tubos Reunidos enpresako zuzendaritzak eta langile batzordeak. Giroa hainbat aldiz tenkatu bazen ere, aurreakordioa sinatu zuten alde biek.

Horren arabera, enplegua erregulatzeko espedienteak 3 hilabete iraungo du. Gainera, indarrean dagoen bitartean, eta COVID-19ak eragindako alarma egoera bukatzerakoan, espedientea ahalik eta gutxien aplikatuko da, eskarien arabera.

Konfinamendua amaitu arte enpresak ahalik eta gutxien deituko ditu langileak, arriskua murrizteko eta babes elementuak zein segurtasun protokoloa bermatu beharko dizkie.

Bestalde, ekoizpena mantenduko balitz, zuzendaritzak 6 hilabeteko enplegu finkoa ziurtatuko du. Aparteko soldatei dagokienez, martxokoa ordainduko dute espedienteak iraun bitartean, baina ahal dutenean, zehaztu gabe. Maiatzeko eta ekainekoak, ordea, 2020ko azken lauhilekoan eta 2021eko lehenengoan jasoko dituzte langileek, hurrenez hurren.

Babes elementuak osasun langileentzat
LAB eta ESK sindikatuek atzo bidali zioten eskaera Tubos Reunidos enpresako zuzendaritzari lantegiko babes elementuak osasun sistemako langileei bideratzeko.

Erakundeek azaldu dute osasun beharginek egiten dutela deialdia eta batera jokatzeko unea dela. Euren ustez, une aproposa da Tubos Reunidos taldeak erakusteko sozialki konprometitua dagoela.

Erlazionatuak

Eusko Jaurlaritzak ez du onartu Tubos Reunidos enpresako "indarrezko" lan erregulazio espedientea

Amurrio

Carmen de Celis Cuevas Arabako Gizarte eta Lan Segurantzako lurralde ordezkariak jakinarazi dio Tubos Reunidos enpresari ez duela erakutsi beharra ...
Lan erregulazio espedientea ezarriko dute Tubos Reunidos enpresan bihartik aurrera

Amurrio

Amurrioko lantegian beharginek ekoizpena gelditu dute goizean, sindikatuen eta zuzendaritzaren arteko bilerak iraun duen bitartean. Batzar horretan...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide