Mobilizazio eguna egin dute gaur Amurrion eta Gasteizen, Galder Barbado eta AItor Zelaia aske uzteko. 8 urteko espetxe zigorra eta 7 urteko baldintzapeko askatasuna eskatu ditu fiskaltzak bi kideentzat, material lehergarria izatea egotzita bidoi batean. Duela ia bi urte atxilotu zituzten bi gazteak, eta 6 hilabetez egon ziren atxilo. Ordutik gaur arte baldintzapeko askatasunean egon dira. Urtarrilaren 21ean eta 22an epaituko dituzte Madrilgo Auzitegi Nazionalean. Epaiketa salatzeko mobilizazio eguna egin dute gaur Araban.
Amurrion, kotxe karabana
Amurrion ibilgailuak baliatuta egin dute protesta, kotxe karabana bidez. Arratsaldean, berriz, zenbait hitzordu jarri dituzte eskualdeko herrietan (Urduñan, Amurrion eta Laudion) Gasteizen deitutako manifestaziora bertaratzeko:
Manifestazioa egin du @ANkerkeriaSTOP plataformak Galder Barbado eta Aitor Zelaia gazteen epaiketa salatzeko Gasteizen pic.twitter.com/5H138QfxWo
— Aiaraldea.eus (@aiaraldea) January 16, 2021
Gasteizko Andra Mari plazatik abiatu da mobilizazioa, eta Foru plazan bukatu da ibilbidea. 2.000 lagun baino gehiago bertaratu dira:
Galder Barbado eta Aitor Zelaiak hartu dute hitza Gasteizen @ANkerkeriaSTOP plataformak deitutako manifestazioaren amaieran. Hau da zabaldutako mezua: pic.twitter.com/cyobogckUw
— Aiaraldea.eus (@aiaraldea) January 16, 2021
Mobilizazio ugari
Urtarrilaren 7an aurkeztu zuten "ANkerkeriari Stop" Herri plataforma eta sinadura bilketa abiatu zuten atxikimenduak lortzeko. Herenegun, aldiz, elkarretaratzea egin zuten Aiaraldeko Ikamak eta Ernaik Juan Urrutia plazan:
Aiaraldea Komunikabideak Galder Barbado eta Amaia Izko abokatua elkarrizketatu zituen duela zenbait egun:
Asteartean elkartasun ekimena egingo dute Amurrioko San Anton plazan, ANkerkeriari Stop plataformako kideek zabaldu dutenez:
Argazkiak: Izar Mendiguren, Aimar Gutierrez eta ANkerkeriariSTOP