BIDEOA

Epailearen aurrean deklaratu du ekainaren 17an atxilotutako Tubacexeko grebalariak

Aimar Gutierrez Bidarte 2021eko irailaren 2a
Deskargatu Info Ahotsak :

Ekainaren 17an Ertzaintza bortizki oldartu zen Amurrioko Epaitegiaren aurrean elkartuta zeuden Tubacexeko langileen aurka. Gaur epailearen aurrean deklaratu du bertan atxilotutako grebalariak, autoritatearen aurkako delitua egotzita.

Epailearen aurrean deklaratu du gaur iragan ekainaren 17an Amurrioko Epaitegi aurrean Ertzaintzaren karga batean atxilotutako Tubacexeko grebalariak. Orduko hartan martxoaren 25eko gertakariengatik deklaratzera deituak izan ziren hiru herritarrak babesteko elkarretaratzea egin zuten epaitegiaren aurrean, eta Ertzaintza bortizki oldartu zen bertan bilduta zeuden langileen aurka.

Poliziak Aintzane Mendia Tubacexeko langilea atxilotu zuen une horretan. Ertzaintzak bizkarrean lesioa eta eskuan fisura eragin zizkion Mendiari, eta Laudioko anbulategira eraman behar izan zuten komisaldegira joan aurretik. 

Epaitegi aurrean elkartutako langileen txalo eta babes oihu artean sartu da epaitegira grebalaria. Ertzaintzak autoritatearen aurkako delitua leporatzen dio.

Ekonomia Amurrio
Erlazionatuak
Grebalari bat atxilotu eta beste hainbat zauritu ditu Ertzaintzak epaitegi aurrean egindako protestan
Grebalari bat atxilotu eta beste hainbat zauritu ditu Ertzaintzak epaitegi aurrean egindako protestan

Aitor Aspuru Saez 2021 eka 17 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide