Otsailaren 10ean LAB, CCOO eta UGT erakundeek aurreakordioa sinatu zuten Tubos Reunidoseko zuzendaritzarekin azken 5 urteko Kontsumo Prezioen Indizearen igoera adosteko eta langile batzarrak horren kontra bozkatu zuen astebete beranduago.
Amurrion kokatuta dagoen enpresako beharginek bilera berria egingo dute gaur berriro. LAB, CCOO eta UGT erakundeek aurreakordio berria adostu dute konpainiako zuzendaritzarekin eta ELA eta ESK, berriro, aurka lerrokatu dira.
Gauzak horrela, gaur eztabaida gauzatuko da eta gero bozkatzeari ekingo diote. ESK-k bere iritziak plazaratu du jadanik eta iragarri du, hobekuntzak egon arren, kontrako kanpaina egingo duela berriro: "Uste dugu une egokia dela hitzarmen baten alde borrokatzeko, galdutako guztia berreskuratzeko eta Zuzendaritzaren gehiegikeriak amaitzeko. Pena handia ematen digu negoziazio hau KPIetara iristeko lasterketa izatea, eta ez langileentzat ahalik eta akordiorik onena lortzeko borroka. Hori dela eta, ez dugu akordio hau bermatzen, eta berriro ere aurreakordioari ezezko borobila ematea eskatuko diegu langile guztiei erreferendumean".