Trafiko istripua egon zen atzo gauean Amurrion, A-625 errepidean. Auto bat bidetik atera eta irauli egin zen, 21:15ak aldera, Laudioko norantzan. Aiarako Suhiltzaileak, anbulatzia eta larrialdi zerbitzuak bertaratu ziren egoera bideratzera. Ertzaintzak Aiaraldea komunikabideari jakinarazi dio zaurituak egon zirela, baina ez du informazio gehiago ematerik izan.
Ezbehar ugari
Ohikoak bilakatu dira trafiko istripuak A-625 errepidean. Abenduan hainbat ezbehar gertatu ziren bide horretan: bi ibilgailuk elkarren aurka talka egin zuten abenduaren 10an, eta beste bik, aldiz, 14an. Hiru egun beranduago, auto batek eta kamioi batek istripua izan zuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
