Baikorekin duen kontratua berritu du Iker Larrazabalek, beste bi urtez

Txabi Alvarado Bañares 2022ko abuztuaren 5a

Duela ia bi urte estreinatu zen Iker Larrazabal profesional gisa. / Aiaraldea.eus

Kirolari amurriorrak bi hilabeteko etenaldia egin behar izan du eskuko lesio baten ondorioz, baina berriz abian dago dagoeneko. Gaur jokatuko du kontratu berriko lehen partida, Gasteizko Jaietako Andre Maria Zuriaren Torneoan.

Baiko Pilotarekin jokatuko du Iker Larrazabalek datozen bi urteetan, enpresarekin zuen kontratua berritu baitu pilotari amurriorrak.

Baikok jakinarazi duenez, Larrazabalek frontoietatik urrun igaro ditu azken bi hilabeteak, "eskuko hatz batean izan zuen haustura dela eta". Baina nabarmendu dute lesioa gainditu duela dagoeneko. Hain zuzen, gaur -abuztuak 5- izango du kontratu berriko lehen partidua, Gasteizko Jaietako Andre Maria Zuriaren Torneoan.

2020ko urrian estreinatu zen Larrazabal profesional gisa, Bilboko Bizkaia Frontoian. Aimar Olaizola izan zuen aurkari. Debut ona izan zen, 22-19 puntuazioarekin galdu baitzuen. Handik bi astera eskualdean aritu zen, Amurrioko frontoian.

Aiaraldea Komunikabideari eginiko elkarrizketan, Larrazabalek ziurtatu zuen ez zaiola bizitza asko aldatu profesional izatera pasatzean, baina aitortu du lan gehiago egin behar duela, "eta elikadura kontrolatu".

Kirola Amurrio

Erlazionatuak

“Baikorekin kontratua sinatzeak ez dit bizitza asko aldatu, baina gehiago lan egin behar dut”

Aitor Aspuru Saez 2020 eka 08 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide