Mikel Landa, Pello Bilbao eta Aritz Arberas txirrindularitzako profesionalek mahai ingurua eskainiko dute bihar

Aitor Aspuru Saez 2023ko abenduaren 28a

Mikel Landa Artziniegan egindako beste mahai inguru batean. / Aiaraldea.eus

Ainara Hernando kazetariak bideratuko du solasaldia 19:00etan Amurrio Antzokian.

Azken urteetan bezala, Aiaraldeko txirrindularitzako zaleek luxuzko hitzordua izango dute Gabonetan. Izan ere, Mikel Landak, Pello Bilbaok eta Aritz Arberasek hartuko dute hitza betetako ametsei buruz mintzatzeko.

Hirurak dira Bahrein Victorious taldeko kideak; Landa eta Bilbao txirrindulariak eta Arberas amurrioarra, aldiz, prestatzaile fisikoa. Ainara Hernando kazetariak izango du ardura solasaldia gidatzeko. Hain zuzen, parte hartzaileek ez dakite zehazki nondik joko duten eta bihar bertan adostuko dute euren artean edukia.

Horrelako aukerak ohitura bilakatu dira eskualdeko kirolzaleentzat, Artziniegako eta Amurrioko txirrindularitza elkarteek aspaldi antolatzen baitituzte horrelako topaketak. Zita horietan Mikel Landa eta Aritz Arberas aritzen dira ia beti eta Ainara Hernando Ciclismo a fondo aldizkariko kazetariak ere noizbait parte hartu du. Edonola ere, emakumezkoen diziplinari ere egin diote tartea beste urte batzuetan.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide