3,1 milioi euro bideratu zituen Tubos Reunidosek 2024an zuzendaritzako kideen soldata eta dietak ordaintzera, multinazionalak berak Balore Merkatuaren Espainiako Batzordera helarazitako datuen arabera.
Zehazki, 824.000 euro banatu zituzten guztira Administrazio Kontseiluko 11 kideen artean:
Beste 2.308.000 euro, aldiz, kontseiluan ez dauden beste hamaika goi-kargudunen artean banatu zituzten. Hauek dira goi-kargudun horiek (txostenak ez du zehazten zenbat diru jasotzen duen bakoitzak):
- Carlos Lopez De Las Heras CEO
- Ines Nuñez De La Parte Kontseiluko idazkari nagusia eta Aholkularitza Juridikoko zuzendaria
- Anton Pipaon Palacio Iraunkortasun eta Negozio Garapeneko zuzendaria
- Ignacio Baron Lopez Finantza zuzendaria
- Francesc Ribas Collell Tubos Reunidos America-ko zuzendaria
- Pedro Rodriguez Salor Zuzendari komertziala
- Jagoba Hernandez Arbulu Supply Chain-eko zuzendaria
- Ekhi Etxeberria Mombiela Giza Baliabideen zuzendaria
- Andoni Jugo Orrantia Tubos Mill-eko industria-zuzendaria
- Jon Bikandi Iturbe Mill produktuetako industria zuzendaria
- Alberto Santamaria Rubio Barne Kontu-hartzailetzako zuzendaria
Jaitsiera egon da diru kopuruan, 2023an 6,7 milioi euro banatu baitzituzten guztira. Hala ere, kontuan hartu behar da urte hartan 2,9 milioi euro gehiago eman zizkietela guztira kontseilariak ez diren goi-kargudunei, aurreko urteetako atzeratutako ordainketengatik.
Burtsan kotizatzen duten enpresak derrigortuak daude aipatutako datuak Balore Merkatuaren Espainiako Batzordean ematera. Gauzak hala, Tubos Reunidos gain, Tubacexek eta Vidralak ere egiten dituzte publiko datuak urtero.