aiaraldea.eus

Kokein, Tximeleta eta Hilean Bariku Bat taldeek girotuko dituzte Zolloko Jaiak

Erabiltzailearen aurpegia Aimar Gutierrez   Kultura  Arrankudiaga-Zollo  Arrankudiaga-Zollo: Zollo

Zolloko jaiak ate joka daude. Egitarau oparoa prestatu dute auzokideek asteburua girotzeko.

Kokein, Tximeleta eta Hilean Bariku Bat taldeek girotuko dituzte Zolloko Jaiak
Eskualdeko jende ugari bertaratu ohi da herrira jaietan. / aiaraldea.eus | Ikusi handiago | Argazki originala

Zolloko jaiak ospatuko dituzte asteburu honetan. Ostiralean emango diete hasiera jaiei 20:00etako txupinazo jaurtiketarekin. Txerriki jana egingo dute gero. Dangiliske taldeak girotutako dantza plazarekin bukatuko dute lehenengo gaua.

Larunbata, San Martin eguna, izango da festetako egun nagusia. 12:00etatik aurrera puzgarriak egongo dira gazteenentzako eta 12:30etan Balmasedako Nafarroa Kantuz taldeak herriko kaleak kantari jarriko ditu. 15:00etan gazte eta umeen bazkaria burutuko dute.

Emakumeak oholtzan
Kontzertuan tartea izango da gaua. Hilean Bariku Bat, Kokein eta Tximeleta taldeak arituko dira oholtzan 22:00etatik aurrera. Antolatzaileek emakumeen presentzia aldarrikatu nahi izan dute eszenatoki gainean.



Igandean, Etorki dantza taldearen eta Zeberioko albokarien emanaldiarekin batera emango diete jarraipena jaiei.

Herri-bazkariarekin batera agurtuko dituzte aurtengo San Martinak, azaroaren 18an.

Antolatzaileek azpimarratu dute Zolloko jaietan ez direla inolako jarrera matxista, homofobo edota xenofoborik onartuko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa