Urteroko eskema bera jarraituko dute Arrankudiagako jaiek aurten ere. Aldaketa bakarra egongo da egutegian: iaz bost egun iraun zuten festek eta aurten, aldiz, lau egunez luzatuko dira, Andra Mari eta Umeen Eguna data beran batuko baitituzte.
Abuztuaren 14an hasiko da festa, Atzoko Gazteen Egunarekin. Jubilatuen bazkariarekin ekingo diote motorrak berotzeari, Gizarte etxean. Arratsaldean, aldiz, marmitako eta tortilla txapelketekin animatuko dute herria, txupinazoari paso eman baino lehen.
Biharamunean, aldiz, umeak izango dira protagonista. Eurei zuzenduak egongo dira abuztuaren 15eko jarduera gehienak, eta kanpamentuan eginiko argazkien proiekzioarekin girotuko dute iluntzea.
Hirugarren egunean kofradia bazkaria izango da osagai nagusia. Parranda handiena, baina, laugarren eta azken egunean izango da. Gazteen bazkaria eta olinpiadak egingo dituzte. Gauean, aldiz, odoslosteak jango dituzte bizilagunek, herriko tabernetan.
Horren ostean hasiko da musika eskaintza, Potato reggae talde mitikoarekin, Feos Pero Majosen punk bertsio umoretsuekin eta Gora Herria erromeriarekin. Goizeko bostak arte luzatuko da jaia, orduan banatuko baitute berakatz zopa tradizionala.
Trailaren antolatzaileak pregoilari
Jai batzordeko kideek aurreratu dutenez, herriko trailaren antolatzaileak arduratuko dira pregoia irakurri eta jaiei hasiera emateko suziria pizteaz. Hamarkada bat baino gehiago daramate kirol proba hori antolatzen, udazkenean. Aurtengoa XIII. edizioa izango da, eta iazkoan, adibidez, hirurehundik gora korrikalarik hartu zuten parte, probak duen sasoi onaren seinale.
EGITARAU OSOA
Abuztuak 14, ostirala: Bezpera, atzoko gazteen eguna
12:00 // Meza
12:45 // Mahai jokoak
14:30 // Jubilatuen bazkaria, Gizarte etxean
Ondoren bingoa
17:00 // Kamisetak banatzea
18:00 // Kalejira
18:00 // XXXVII. Marmitako Lehiaketa
Izenak ematea 18:00etatik 18:30era
19:30 // XXVII. Tortilla Txapelketa (Herriko 0 eta 18 urte arteko gaztetxoentzat)
Izenak ematea 18:00etatik 18:30era
20:00 // Tortilla eta marmitako lapikoen aurkezpena
20:15 // Txupinazoa
23:00 // Diskoteka
Abuztuak 15, larunbata: Andra Mari eta Umeen Eguna
10:00 // Diana
11:00 // Meza nagusia
11:30 // Umeen kalejira Garondotik Elexaldera
12:00 // Umeentzako jolas parkea Elexalden
14:30 // Umeen bazkaria Gizarte Etxean
Bazkarirako izenak emateko zerrendak jarriko dira. Apuntatzeko epea: abuztuaren 13a
17:30 // Boloak: Umeen tirada
18:30 // Boloak: Nagusien tirada, J.I. Larrazabalen X. oroimenezkoa
19:00 // Dantzatzeko prest! (E berdea)
21:30 // Kanpamentuko proiekzioa
Ondoren, Iberlandan, Golden Boys
Abuztuak 16, igandea: Kofradia Eguna
10:30 // Diana
11:00 // Meza
11:30 // Pilota partidak
12:00 // Erakusketa
13:30 // Elkarretaratzea: Denok batera presoak etxera!
14:00 // Umeen kofradia bazkaria
14:30 // Kofradia bazkaria, eliza atarian
16:00 // Kantuak Joxe Mendizabalekin
20:00 // Antzerkia: Trapu Zaharra
21:30 // DJa Batzokian
Abuztuak 17, astelehena: Gazteen eta Berakatz eguna
13:00 // Gaztepoteoa
15:00 // Gazteen bazkaria
17:00 // Gazte Olinpiadak
19:00 // Pilota partidak
21:30 // Odoslosteak afaltzera herriko tabernetan
22:00 // Gaupasa: Potato, Feos Pero Majos eta Gora Herria
05:00 // Berakatz zopa eta jaien amaiera
