Marmitako eta patata tortilla zaporerarekin hasi dira Arrankudiagako Andramari jaiak. Dozenaka herritar elkartu dira gastronomia ekintzetan parte hartzera, lehen suziriaren esperoan.
Batzokiko Madak, Itsasok eta Josunek izan dute txupinazoa jaurtitzeko ardura. Irakurritako pregoi umoretsuan, eskerrak eman dizkiete Arrankudiagao bizilagunei duela 10 urtetik eskainitako harrera beroagatik.
Ekintza bete egun
Bi txandetan banatuko dituzte Arrankudiagako jaiak. Gaur eta bihar artean jaien lehenengo zatiari helduko diote bizilagunek. Gaur gauean DJ Mariskalek girotuko du herria, eta bihar pilota partidak eta antzerkia izango dira ekintza nagusiak.
Bigarren txanpa ostiraletik astelehenera arte luzatuko da, hilaren 18tik 21era. Berakatz egunarekin agurtuko dituzte jaiak. Gau horretan Moonshine Wagon eta Trikizio taldeak arituko dira goizaldeko 5:00ak arte festa-giroa luzatzen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide