Larunbat eta igandean ospatu zituzten Atxetako jaiak. Auzoko gizarte etxearen eta errepidearen artean dagoen plaza txikian pilatu zituzten ekintza gehienak. Marmitako eta tortilla txapelketarekin eta haurrentzako jolasekin abiatu zuten larunbata.
Arratsaldean jarraipena eman zieten goizeko tailer eta jolasei, eta buruhandiak ere batu ziren festara. Ondoren, dantzatzeko unea iritsi zen, Mirikirekin jolastu eta dantzatu ikuskizunarekin, Inguma taldearen dantza plazarekin eta Iratzar erromeriarekin, besteak beste. Ez zen jatekorik falta izan tarte horretan, txokolatea zerbitzatu baitzuten arratsaldean eta odoloste pintxoak iluntzean.
Igandean, aldiz, bazkari herrikoia izan zen eguneko jarduera nagusia, eta Elvi bentrikuluaren ikuskizunarekin eta igel-toka txapelketarekin amaitu zuten jaia atxetarrek.
Argazkiak: Atxetako Jai Batzordea eta Txabi Alvarado Bañares
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide