Bolo txapelketa eta kofradia bazkaria izan dira asteburuko osagai nagusiak Arrankudiagan

Erredakzioa 2024ko abu. 19a, 18:07
Deskargatu Info Ahotsak :

Gaur amaituko dira Andra Mari jaiak, Berakatz Egunarekin. 

Aurrera doaz Arrankudiagako Andra Mari jaiak. Larunbatean umeen eguna ospatu zuten herrian, baina beste jarduera batek hartu zuen protagonismoa: bolo txapelketak. Arrankudiagako bolatoki eraberritua inauguratzeko baliatu zuten jarduera eta Aiaraldeko zein Bizkaiko beste hainbat herrietako zaleak gerturatu ziren ekitaldira.

Txutxi Ariznabarretak hartu zuen hitza bertan. Azpiegituraren eraberritzearen nondik norakoak azaldu zituen alkateak, herrian bola jokoak izan duen bilakaera goraipatzearekin batera:


Igandean, aldiz, Kofradia eguna ospatu zuten. Ohikoan bezala, herritar andana bildu zen elizako arkupeetan eginiko bazkarian:

Amaiera, gaur

Gaur amaituko dira Arrankudiagako jaiak, Berakatz Eguna ospatuta. Hemen ikusi daiteke arratsaldetik goizaldera arte luzatuko den egitaraua:

19:00 // Pilota partidak

21:30 // Odolosteak afaltzera
Herriko tabernetan

23:00 // Kontzertuak: Kilimak eta Zirkinik Bez erromeria

05:00 // Berakatz zopa

Argazkiak: Txomin Egiluz Sagastizabal eta Txabi Alvarado Bañares

Kultura Arrankudiaga-Zollo Arrankudiaga

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide