Azaroa jai-giroan murgilduta hasteko aitzakia ezin hobea bilakatuko dira Zolloko jaiak, asteburu honetan ospatuko baitira, egitarau oparoarekin.
Hain zuzen ere, ostiralean jaurtiko dute jaiak abiatzeko txupinazoa, 20:00tan. Elortegi Anayak taldeak girotuko du iluntzea, eta 23:00etan Txalainak-ek joko du plazan.
Larunbat goizean umeentzako puzgarriak eta tailerrak antolatuko ditu Kirikiño Aisialdi Taldeak. Gauean, ordea, musika eskaintza zabala egongo da: 20:00etan The Dolphiners, eta 22:00etatik aurrera Bengo eta Beranduegi Erromeria.
Igandeko protagonista herri kirolak izango dira: 13:00ean jarri dute hitzordua, eta erakustaldiaz gain parte hartzeko aukera ere egongo da, Arguiako Jasoka taldearen eskutik.
Dena den, festa ez da asteburuarekin batera bukatuko: asteartean, Etxebarria aita-semeek eguerdia girotuko dute eta 17:30ean Porrotxekin irri, kantu eta dantza egiteko aukera izango dute txikienek.
Jaiak hurrengo larunbatean amaituko dira, hilaren 16an, bazkari herrikoiarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
