Umorea eta giro ona izan da nagusi Artziniegako txupinazoan. 20:30ean hasi dira zurrakapotea banatzen Goikoplazan. Ordu erdi beranduago, 21:00etan, izan da pregoi irakurketa. Hala, udaletxeko balkoitik ondo pasatzeko mezua zabaldu du Ana Perezek. "Anita zapataria" ezizenez ezagunagoa da herrian, eta makina bat herritar ikusi ditu hazten, "batzuk eskolako jantokian, eta besteak etxeko atarian". Bereziki, maitasuna eta alaitasuna zabaldu ditu lau haizetara, artziniegarren txalo artean. Suziria behin piztuta erraldoi eta buruhandiekin kalejira egin dute Alde Zaharrean barrena.
Ana Perezen pregoiari jarraiki, festarekin gaztetu da Artziniega
21:00etan izan da Artziniegako txupinazoa. 103 urtedun Ana Perez hautatu dute aurtengo pregoilari, eta ondo pasatzeko mezua zabaldu du udaletxeko balkoitik.
Erlazionatuak
![[EGITARAU OSOA] Bi asteburu Artziniegako jaiez gozatzeko](https://aiaraldea.tok-md.com/argazkiak/pFw/cache/artziniegako%20txupinazoa_tokikom_735x413.jpg)
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide