Aiaraldeko Ikasle Eguna

Erabiltzailearen aurpegia Ikasleok Zorrotz Aiaraldea   Hezkuntza

Ekainaren 9an Aiaraldeko Ikasle Eguna ospatu genuen, ikasturtea amaitzear dagoela eskualdeko kideak saretu, iritziak partekatu, hausnartu eta elkar ezagutzeko momentua. Gurean, Babiora ibilaldia egitea erabaki genuen, mendi txango batekin gure aldarriak kalera ateratzeko.

»» Ikusi argazki guztiak (12)

Azterketa arrotzen aurrean… ikasleok zorrotz!

2018/02/27 00:00

Aiaraldea

Aurten iaz baino indar handiagoarekin dator LOMCE erreformaren erasoaldia. Martxoaren 5etik 16ra bitarte, DBH 2. mailan egin nahi dizkigute PISAko azterketak. Azterketa hau ez da aurten egokitzen, urte bakoitietan baizik baina pilotajea izango delaren aitzakipean, azterketa egitera behartu nahi gaituzte berriz ere. DBH 4. mailan ere, dela PISAren, dela LOMCE-Heziberriren edo dela froga diagnostikoaren izenean, kanpo azterketa bat inposatu nahi digute. Maiatzaren 7tik 18ra bitarte izango da 140 ikastetxetan. LOMCE, Heziberri, PISA, froga diagnostikoak… edozein izen jarrita eta edonondik etorrita ere, ikasleok, argi dugu ebaluatzeko balio ez duten eta kanpotik datozen azterketa guztiak arrotzak direla. Gainera, hezkuntza sistema azterketaz eta oztopoz betetzen dutenek eta ikasleon gainetik soilik beraien interesen araberako ebaluazio sistema inposatzen ari direnak izen-abizenak dituzte. Errebalidak Madrilen Iñigo Mendez de Vigo hezkuntza ministroaren eskutik sortu eta hemen, EAEn, Cristina Uriartek inposatzen baitizkigu. Azken asteetan jakitera eman denaren arabera, Aiaraldeko ikastetxe gehienetan egokitu da bai DBH 2. mailako PISA azterketa eta bai DBH 4. mailako LOMCEren errebalida egitea. Baina jakin dezatela gurekin jai dutela! Ikasleok, honen aurrean, gure beharrak asetzen ez dituen, gure ebaluaziorako balio ez duten eta arrotzak diren azterketei #planto egingo diegu. Iaz Amurrion DBH4ko errebalidari #planto egin izana gogorarazten ditu ikasleok indar izugarria dugula eta edozer dugula posible. 2018ko martxoan Ikasleok Zorrotz Aiaraldea